ԱՄՆ-ի ոստիկանությունը Ֆլորիդայում հայտնաբերել է տեղի բնակիչ Ուիլյամ Մոլդթի մնացորդները, որն անհետացել է 1997-ի նոյեմբերի 7-ին։ Նրան հաջողվել է հայտնաբերել այն բանից հետո, երբ Google Maps-ի միջոցով գտնվել է նրա ավտոմեքենան՝ լճակում։ Այս մասին հաղորդում է BBC News-ը։
40-ամյա Մոլդթն անհետացել է Լանտանա քաղաքում երեկույթից հետո։
Ավտոմեքենան նկատել են Վելինգթոնում, արբանյակից արված լուսանկարների միջոցով։ Ավտոմեքենան գտել է տեղի բնակիչներից մեկը։ Դրանում հայտնաբերվել են Մոլդթի մնացորդները։
