Այսօր՝ սեպտեմբերի 13-ին, Ազգային ժողովում շարունակվում են աշխատանքները: Այժմ քննարկվում է Քրեական օրենսգրքում լրացում կատարելու և Վարչական իրավախախտումների մասին օրենքում փոփոխությունների օրենքների նախագծերի փաթեթը 2-րդ ընթերցմամբ ընդունելու մասին հարցը:
«Երբ իմ ծնունդը շնորհավորելիս ասում են՝ սրտանց շնորհավորում եմ, սկսում եմ կասկածել՝ սրտանց է, թե չէ: Սկզբում ասում եք՝ հումոր չեմ ուզում դնեմ, հետո ամբողջ հարցադրումը հումորի ու սատիրայի ժանր է: Ինչ-որ շեղվել ենք նախագծի նպատակից»,- հայտարարեց «Բարգավաճ Հայաստան» խմբակցության պատգամավոր Գևորգ Պետրոսյանը:
Նրա խոսքով՝ մատաղ անելիս եթե մեկը ոչխարի ունքերը պինցետով հանում է, նոր մատաղ անում, ակնհայտ է դաժանությունը. «Այսպիսի լիքը օրինակներ կարելի է բերել՝ որակազրկելու այս նախագծի էությունը»:
Նա խնդրեց գործընկերներին հարգանքով վերաբերվել օրինագծին ու պոզուպոչ չկպցնել: Տեղից ռեպլիկ անող պատգամավորներից մեկին էլ ասաց. «Ինչ ա՞, դուք եք նիստի նախագահողը. նիստը նախագահող կա, սուս մնացեք: Մյուս անգամ ինձ տեղից չընդհատեք»:
Մանրամասները՝ տեսանյութում:
