2011թ. առաջին վեց ամիսներին ՀՀ քաղաքացիական ծառայության խորհուրդը քաղաքացիական ծառայության համակարգում ընդգրկված մարմիններում կատարվել է 20 ուսումնասիրություն, որոնցից 14-ը՝ վերա¬հսկո¬ղության նպատա¬կով, իսկ 6-ը՝ քաղաքա¬ցիական ծա¬ռա¬յու¬թյան առանձին հարցերի հետ կապված: Կատարված ուսումնասիրությունների արդյունքում լուրջ խախտումներ չեն հայտնաբերվել և արդյունքներն ընդունվել են ի գիտություն: 2 դեպքի հետ կապված միայն կատարվել են համապատասխան միջնորդություններ՝ «Քաղաքացիական ծառայության մասին» ՀՀ օրենքի, և որոշ ենթաօրենսդրական ակտերի մի քանի դրույթների պահպանման վերաբերյալ:
Նույն ժամանակահատվածում ՀՀ ՔԾ Խորհուրդն իրականացրել է նաև 8 ծառայողական քննություն, որից 3-ը քաղաքացիական ծառայողի, իսկ 5-ը կարգապա¬հա¬կան տույժ կիրառելու իրավա¬սու¬թյուն ունեցող պաշտո¬նա¬տար ան¬ձանց կողմից ներկայացված դիմումների հիման վրա:
Քաղաքացիական ծառայողների կողմից ներկայացված 3 դիմումների կապակցությամբ նշանակվել է 2 ծառայողական քննու¬թյուն¬, որի արդյունքում 1 քաղաքացիական ծառայողի նկատ¬¬մամբ կիրառված կարգապահական տույժը համարվել է անհիմն: 1 քննություն դադարեցվել է, իսկ մյուս դիմումով ծառայողական քննություն նշանակելու մասին Խորհուրդը դեռևս որոշում չի ընդունել:
Կարգապա¬հական տույժ կիրառելու իրավասություն ունեցող պաշտո¬նա¬տար անձանց կողմից ներկայացված 5 դիմումներից 3-ով նշանակվել են ծառայողական քննություններ: Դրանց արդյունքում 1 ծառայողական քննություն դադարեցվել է, 1-ով համաձայնություն է տրվել կիրառել զբաղեցրած պաշտոնից ազատում կարգապա¬հական տույժը, 1 քննություն ընթացքի մեջ է, իսկ 1 դիմումով ծառայողական քննություն նշանակելու վերաբերյալ Խորհուրդը դեռևս որոշում չի ընդունել: 1 դիմումով` ծառայողական քննություն չի նշանակվել:
