Ադրբեջանական ANS PRESS-ի փոխանցմամբ՝ հայտնի է դարձել Ադրբեջանի արտգործնախարար Էլմար Մամեդյարովի ռուսական այցի ժամկետը։ Մամեդյարովը լրագրողների հետ զրույցում հայտնել է, որ հուլիսի 17-ին պաշտոնական այցով մեկնելու է Մոսկվա։
Մամեդյարովի ռուսական այցը Ռուսաստանի արտգործնախարար Սերգեյ Լավրովի հրավերով է։ Ենթադրվում է, որ այցի շրջանակներում կողմերը քննարկելու են ղարաբաղյան հակամարտության ներկայիս դրությունը, փոխանակվելու են Ռուսաստանի ու Ադրբեջանի պետական սահմանի մասին պայմանագրի վավերացմանն առնչվող փաստաթղթեր։
Բացի այդ, նախատեսվում է, որ կողմերը մի շարք որոշումներ կընդունեն արտաքին քաղաքականության ոլորտում համագործակցության խորացման մասին։
Հիշեցնենք, որ Սերգեյ Լավրովն Ադրբեջան էր ժամանել հուլիսի 8-ին։
