Հռոմի ողջ խճանկարների գույնը՝ մի ցուցահանդեսում. Կապիտոլյան թանգարանների հավաքածուից քսանմեկ գոհարներ: «Հին Հռոմի գունեղ տեսիլները.
խճանկարներ Կապիտոլյան թանգարաններից». սա վերնագիրն է Հայաստանում Իտալիայի Հանրապետության դեսպանության կողմից աջակցվող ցուցահանդեսի, որը կազմակերպվել է «Գլոկալ Փրոջեքթ» խորհրդատվական ընկերության հետ համատեղ, Հռոմի համայնքի և Հռոմի մշակութային ժառանգության կապիտոլյան բաժնի ղեկավար Մարիա-Վիտորիա Մարինի Կլարելիի ջանքերի շնորհիվ:
Ցուցահանդեսը, որն իրենից ներկայացնում է պատմությունից մեզ փոխանցված մի ակնթարթ, պաշտոնապես կբացվի ս.թ. օգոստոսի 9-ին՝ ժամը 18:30, Հայաստանի ազգային պատկերասրահում՝ մի շարք պետական այրերի, դիվանագիտական և ակադեմիական կորպուսի և քաղաքացիների մասնակցությամբ:
Քսանմեկ օրիգինալ նմուշներ՝ ռեստավրացիայից հետո ցուցադրված միայն մեկ անգամ Օստիայում, որոնք պատկանում են Հռոմի Կապիտոլյան թանգարանների հավաքածուին (Ք.ա. 1-ին դար-Ք.հ. 4-րդ դար), նրբագեղ նախշերով և հարուստ գույներով, վերադարձնում են մեզ մի աշխարհ, որը նույնպես ասես գլոբալացված լինի, որտեղ անդրադարձ էր կատարվում նույն նմուշներին մի քանի հազար կիլոմետր հեռավորության վրա՝ հանրայնացնելու հասարակական զգացողությունը, արագացնելու նույնականացման մի գործընթաց՝ դեպի նույն արժեքներ և սկզբունքներ:
Ցուցադրված հավաքածուն հնարավորություն է տալիս ոչ միայն գնահատելու Հռոմի հանրապետության ժամանակաշրջանից մինչև ուշ կայսերական դարաշրջանի բոլոր տեսակի խճանկարները և կիրառված տեխնիկաները, այլ նաև մտորելու զարդանախշերի բնույթի շուրջ, որոնք բազմազան են իրենց նշաններով ու գույներով և վերջիններիս՝ մեր արվեստի հասկացությունների ու գրաֆիկական դիզայնի հետ ունեցած նմանության շուրջ:
Եվ ինչպես կարելի է նկատել այս ցուցահանդեսում նույնպես, որն աջակցվում է Հայաստանում Իտալիայի դեսպանության կողմից և իրականցվում է իտալական գեղարվեստական ժառանգության առաջխաղացման և ամրապնդման ուղղությամբ իրականացվող միջոցառումների շրջանակներում, առկա է մի ընդարձակ ժամանակագրական պատկեր, որում այս հինավուրց արվեստի գործերի նրբագեղության զարգացումն արտահայտվում է՝ հանրապետական դարաշրջանի մեծամասամբ կարծրատիպային, երկրաչափական և ոճավորված մոտիվներից անցնելով դեպի ուշ կայսերական ժամանակաշրջան, ավելի ժամանակակից թեմաներ՝ ոգեշնչված դասական դիցաբանությունից կամ առօրյա կյանքի տեսարաններից: Պատմության մեջ, որտեղ վիտրաժային ապակին դառնում է խոսք, գեղարվեստական լեզվի քերականական արտահայտության կոմպոզիցիոն միջոց, որում յուրաքանչյուր առանձին տարր նպաստում է ամբողջի հետ շարունակական փոխհարաբերությունների ստեղծմանը:
Ցուցահանդեսը, որը բաց կլինի օգոստոսի 10-ից մինչև սեպտեմբեռի 29-ը, հանրապետության ամառային շրջանի միջոցառումներից է, որը վերջերս բազմաթիվ իտալական մշակութային միջոցառումների կիզակետում է գտնվում՝ շնորհիվ Իտալիայի Հանրապետության դեսպանության և Հայաստանի Հանրապետության կառավարության սերտ համագործակցության:
