Օգոստոսի 4-ին Սանտկ Պետերբուրգում արտոնագրված հանրահավաք է անցկացվել՝ ի աջակցություն Խաչատուրյան քույրերի, որոնք մեղադրվում են հոր սպանության մեջ։ Լենինի հրապարակում տեղական ժամանակով 14:00-ին հավաքվել էր շուրջ 1500 մարդ, հաղորդում է DW-ը։
Հրապարակի շրջակայքում հավաքվել են նաեւ ոստիկանության ուժերը։ Իրավապահները ստուգում են հանրահավաքի բոլոր մասնակիցներին, մասնավորապես, խնդրում են ներկայացնել բերված պաստառները։ Ոստիկանները լրացուցիչ ուղիներ են բացել մարդկանց մուտքը դեպի հրապարակ ավելի արագ կազմակերպելու համար։
«Ի նպաստ արդարության կանանց համար, որոնք ստիպված են պաշտպանվել, եւ ընտանեկան բռնության դեմ օրենքի համար» հանրահավաքի կազմակերպիչն է «Ութերորդ նախաձեռնողական խումբ»-ը, որը ներկայանում է որպես ակտիվիստ կանանց միավորում, որն արդեն մի քանի տարի Սանտկ Պետերբուրգում անցկացնում է հանրահավաքներ եւ ակցիաներ՝ ի աջակցություն կանանց իրավունքների»։ Ի սկզբանե ակցիան որոշվել էր անցկացնել հուլիսի 27-ին, սակայն մեկնարկից մեկ օր առաջ կազմակերպիչներին զանգահարել էին կառավարությունից եւ խնդրել տեղափոխել միջոցառումը օգոստոսի 4-ին Ռազմածովային նավատորմի օրված նվիրված տոնախմբությանը չխանգարելու համար։
