ԱՄՆ-ը պատրաստ Է պաշտպանելու իր առեւտրական նավերը Պարսից ծոցի շրջանում, բայց չի պատրաստվում զինվորական ուղեկցող խումբ ապահովել դրանցից յուրաքաչյուրի համար: Այդ մասին Պենտագոնի նոր ղեկավար Մարկ Էսփերը հայտարարել Է հուլիսի 24-ին լրագրողների հետ կայացած զրույցի ժամանակ, որի սղագրությունը տարածել Է ԱՄՆ-ի պաշտպանության նախարարությունը։
«Եթե մենք համարենք, որ ամերիկյան նավը կարող Է լինել սպառնալիքի տակ, (որ) այն կարող Է կանգնեցվել կամ կալանվել, մենք կցանկանանք համոզվել, որ հնարավորություն ունենք այնպես անելու, որպեսզի դա տեղի չունենա (…) Դա կարող Է նշանակել, որ ԱՄՆ-ի ռազմածովային ուժերի նավը կգտնվի անմիջական մերձակայքում (սպառնալիքը) կասեցնելու համար: Բայց, այուամենայնիվ, դա պարտադիր չի նշանակում, թե ամեն նավի հետ, որն ամերիկյան դրոշի ներքո անցնում Է նեղուցով, Էսկադրային ականակիր կլինի»,- ասել Է Էսփերը։
