Ուկրաինայում վաճառքում են հայտնվել նախագահ Վլադիմիր Զելենսկիի կիսանդրիները, հաղորդում է «Ուկրաինսկիե նովոստին»:
Ապրանքը կշռում է 2.5 կիլոգրամ, իսկ բարձրությունը՝ 23 սանտիմետր է:
Նշվում է, որ կիսանդրին պատրաստված է գիպսից, պատված է 3 շերտ լաքով և ոսկեջրված է:
Հուշանվերը հնարավոր է պատրաստել երեք գույներով՝ մարմարի, փայլուն և անփայլ փղոսկրի:
Ավելի վաղ Զելենսկին դեմ է արտահայտվել քաղծառայողների աշխատասենյակներում իր պատկերի հայտնվելուն: Նրա խոսքերով, նախագահը չպետք է կուռք դառնա, իսկ նրա դիմանկարը՝ սրբապատկեր: Նա առաջարկել է աշխատասենյակներում պատերը զարդարել երեխաների նկարներով և «ցանկացած որոշում ընդունելուց առաջ նայել նրանց աչքերի մեջ»:
