Եվրոպայի մյուս երկրների բնակիչներից ավելի արագ կացարան գնելու համար կարող են գումար հավաքել պորտուգալացիները։ Այս մասին վկայում են միջազգային Delottie ընկերության ուսումնասիրության արդյունքները։
Նշվում է, որ 70 ք/մ տարածքով կացարան գնելու համար պորտուգալացիները միջինում 3․8 տարի պետք է հավաքեն իրենց աշխատավարձը։ Բելգիայում այս պարագայում աշխատավարձը պետք է 4 տարի հավաքել։ Սակայն Նորվեգիայի և Դանիայի բնակիչներին դրա համար հինգ տարի հարկավոր կլինի։ 5․7-7․1 տարի հարկավոր կլինի Ավստրիայի, Իտալիայի և Հունգարիայի բնակիչներին Լեհերին անհրաժեշտ կլինի 7․5, խորվաթներին՝ 7․9 տարի։
Չեխիայի քաղաքացիները պետք է գումար հավաքեն 11 տարի։ Բնակարան գնելու համար Մեծ Բրիտանիայի և Լատվիայի քաղաքացիներին հարկավոր կլինի 9․4 և 10․1 տարի համապատասխանաբար։
