Ուռուցքային հիվանդությունների 90%-ի ի հայտ գալու պատճառը ծխելն է, հաղորդում է «ՌԻԱ Նովոստին»՝ հղում անելով «Ռոսպոտրեբնադզորի» հետազոտությանը:
Բացի քաղցկեղից, ծխելը մեծացնում է քրոնիկ բրոնխիտի, էմֆիզեմայի (թոքերի լայնացում), սրտի իշեմիկ հիվանդության, իմպոտենցիայի զարգացման վտանգը:
Միևնույն ժամանակ, մարդիկ, որոնք սկսել են ծխել 15 տարեկանից, հինգ անգամ ավելի հաճախ են քաղցկեղով հիվանդանում, քան 25 տարեկանից հետո ծխախոտ օգտագործողները: Բացի այդ, ծխողի կյանքի տևողությունը կրճատվում է 20-25 տարով:
Այնուամենայնիվ, նրանք, ովքեր 30-35 տարեկանից դադարում են ծխել, չծխողներին հավասար կյանքի տևողություն ունեն:
