Վրաստանի նախագահ Սալոմե Զուրաբիշվիլին դիմել է Ռուսաստանի ղեկավարությանը՝ հանրապետության արմատապես տրամադրված քաղաքական ուժերի սադրանքներին չենթակվելու կոչով: Այդ մասին Զուրաբիշվիլին հայտարարել է հուլիսի 9-ին Թբիբլիսիում կայացած ճեպազրույցում՝ տեղեկացնում է TASS-ը:
«Ռուսաստանի ղեկավարությանը կոչ եմ անում չենթարկվելու էսկալացիային: Պարադոքս կլինի, եթե հարևան երկիրը պատասխանի այն ուժերի սադրանքներին, որոնք իր իսկ կողմից բնութագրված են որպես արմատական, և դրանով իսկ նպաստի նրանց խափանարարական նպատակներին»,- հայտարարել է Զուրաբիշվիլին: Վրաստանի նախագահն ապաէսկալացման կոչ է արել երկրի ներսի քաղաքական ուժերին, որոնք, նրա խոսքով, սպառնալիքի տակ են դնում երկրի կայունությունը: Ինչպես ընդգծել է Զուրաբիշվիլին, որոշ մարդիկ, սքողվելով հայրենասիրության դրոշով, վնաս են հասցնում Վրաստանի քաղաքացիներին և նրանց տնտեսական բարեկեցությանն ինչպես երկրի ներսում, այնպես էլ նրա սահմաններից դուրս»:
