Լուրեր
Հսկայական Համալիրը նախատեսված չէ մեզ նման պուճուր երկրի համար․ Կարեն Ղազարյան

Տարեսկզբին հայտարարված մրցույթի արդյունքում, որին մասնակցում էին 20 հոգի, Կարեն Դեմիրճյանի անվան մարզահամերգային համալիրի տնօրեն ընտրվեց պրոդյուսեր «Շարմ» հոլդինգի տնօերն Կարեն Ղազարյանը: Հետհեղափոխական շրջանի շոու բիզնեսի առանձնահատկությունների շուրջ «Առաջին լրատվական»-ը զրուցեց Կ. Ղազարյանի հետ:

Յուրաքանչյուր երկիր ունի շոու բզնեսի իր գրված ու չգրված օրենքները, իր կնքամայրերն ու կնքահայրերը, և գաղտնիք չէ, որ նախկինում բազմաթիվ աստղեր ծագում կամ մարում էին իշխանության ֆավորիտիզմի հիմքի վրա, նրանք մասնակցում էին քաղաքական քարոզարշավների, նկարահանվում տեսահոլովակներում և ստանում կոչումներ: Ներկայիս իշխանություններն ազատ են թողել արվեստագետներին և շոու բիզնեսի ներկայացուցիչներին՝ իրենց ընտրության հարցում, և ոմանց դա դուր է գալիս, ոմանց՝ ոչ: Ինչպիսի՞ն է իրավիճակը այս երկու սուբյեկտների փոխհարաբերությունների միջև: Անդրադառնալով այս հարցին՝ Կ. Ղազարյանը նշեց, որ ոչ միայն շոու բիզնեսում, այլ արվեստի ցանկացած այլ ոլորտում աստղերը մարում կամ փայլում են միայն իրենց տաղանդի և հնարավորությունների արդյունքում: «Ուրիշ բան, որ ով տաղանդ ունի և հնարավորություն է տրվում ավելի շատ երևալ և մասնակցել տարբեր միջոցառումների, իհարկե, նրա հաջողության գրավականն ավելի մեծ է: Իսկ այն մարդիկ, ովքեր այնքան էլ շատ հնարավորություն չեն ունենում երևալու, նրանց վերելքն այնքան էլ հաջող չի ստացվում, բայց եթե տաղանդ ունեն, միևնույն է, գտնում են իրենց ճանապարհը»- նշեց մեր զրուցակիցը:

Արդյո՞ք շոու բիզնեսում չկան աստղեր, որոնք աստղ են դարձել ինչ-որ մեկի դուստրը, մյուսի սիրեկանը կամ սիրուհին լինելու և նրանց ֆինանսական միջոցների ներդրման շնորհիվ: Այս հարցին ի պատասխան՝ Կ. Ղազարյանը նշեց, որ այդ ճանապարհով աստղ դառնալը բնորոշ է ոչ միայն մեզ, այլ ցանկացած այլ երկրի, սակայն այդպես ի հայտ եկած աստղերը ժամանակավոր են. «Մի պուճուր փայլում են և շատ շուտ հանգչում: Իսկ եթե իսկապես տաղանդ ունես, այդ ստարտից հետո սկսում ես փայլել: Հանրության սերը գնելն անանհնար է»:

Մանրամասն՝ տեսանյութում:

  • Դիտումներ՝ *