Google-ը ներկայացրել է Android օպերացիոն համակարգի տարբերակ՝ հարմարեցված մարմնին կրվող սարքերին, մասնավորապես՝ «խելացի» ժամացույցներին: Համակարգը ստացել է Android Wear անվանումը և արդեն ներկայացել LG-ի արտադրության G Watch սարքերով: Այս մասին հայտնում է Vesti-ն:
Google-ը հայտարարել է, որ Android Wear ՕՀ-ով շուտով սարքեր կթողարկեն շատ խոշոր ընկերություններ, ինչպիսիք են, օրինակ, ASUS-ը, HTC-ն, LG-ն, Motorola-ն, Samsung-ը, Broadcom-ը, Imagination-ը, Intel-ը, MediaTek-ը, Qualcomm-ն ու Fossil-ը:
Հայտնի է, որ ժամացույցները համատեղելի կլինեն Android-ով աշխատող մի շարք սարքերի հետ: Ժամացույցը կարելի է կառավարել ձայնային հրամանների միջոցով:
Վերլուծաբանների հաշվարկներով՝ 2014 թվականին «խելացի» ժամացույցների շուկայի ծավալը կհասնի 23 մլն միավորի, իսկ երեք տարի անց՝ 45 միլիոնի:
