Ամերիկուհին պատահաբար կատվին թողել է լվացքի մեքենայում, որտեղ նա մեկ ժամ լվացքից հետո կենդանի է մնացել: Այս մասին հայտնում է New York Post-ը:
Երբ կինը վերադարձել է լվացքի հետևից, տեսել է այնտեղ գտնվող իր մեկամյա կատվին։ Սարսափահար կինը սկսել է բղավել և օգնության կանչել։ Կատվին ծայրահեղ ծանր վիճակում հասցրել են անասնաբուժարան։
Բժիշկների կարծիքով՝ կատուն հրաշքով է կենդանի մնացել։ Այժմ կատուն վերակենդանացման բաժնում է և թթվածնի սարքին է միացված։ Ընտանիքը օրական գրեթե հազար դոլար է ծախսում կատվի բուժման համար։
