Մեծ Բրիտանիայի ներքին գործերի նախարար Սաջիդ Ջավիդը դուրս է մնացել Պահպանողական կուսակցության առաջնորդի և Միացյալ Թագավորության վարչապետի պաշտոնի համար պայքարից: Այդ մասին վկայում են քվեարկության՝ հունիսի 20-ին կայացած չորրորդ փուլի արդյունքները, որին մասնակցել են բրիտանական խորհրդարանի Համայնքների պալատի թորի պատգամավորները՝ տեղեկացնում է TASS-ը։
Ինչպես ձայների հաշվումից հետո հայտարարել է Շերիլ Գիլանը, որը կատարում է 1922 կոմիտեի ղեկավարի պարտականությունները, որը միավորում է շարքային թորի պատգամավորներին և զբաղվում պահպանողականների առաջնորդի ընտրման կամ փոխարինման հարցերով, Ջավիդն իր օգտին տրված 34 ձայնով զբաղեցրել ք վերջին տեղը և, ըստ ներկուսակցական կանոնների, չի անցել հաջորդ փուլ:
Ընտրարշավի առաջատարը չի փոխվել: Նա արտաքին գործերի նախկին նախարար Բորիս Ջոնսոնն ք, որը հունիսի 20-ին ապահովել ք 313 պատգամավորներից 157-ի աջակցությունը: Ընտրությունների հաջորդ փուլ են անցել նաև Մեծ Բրիտանիայի շրջակա միջավայրի, պարենի և գյուղատնտեսական զարգացման նախարար Մայքլ Գոուվը (61 ձայն) և երկրի արտաքին գործերի ներկայիս նախարար Ջերեմի Հանթը (59): Ուշագրավ ք, որ Գոուվն առաջին անգամ է զբաղեցրել երկրորդ տեղը՝ առաջ անցնելով Հանթից, իսկ միասին նրանք ավելի քիչ ձայներ են ստացել, քան Ջոնսոնը: Հինգշաբթի կկայանա ևս մեկ քվեարկություն, որի արդյունքներով հավակնորդների թիվը կկրճատվի մինչև 2։
