Ուկրաինայի Գերագույն ռադայում գրանցվել է պետության ղեկավար Ալեքսանդր Տուրչինովի` Ղրիմի գերագույն խորհրդի լիազորությունների արտահերթ դադարեցման մասին նախագիծը՝ հաղորդում է korrespondent.net-ը:
Մեկնաբանության մեջ նշվում է, որ Ուկրաինայի Սահմանադրական դատարանի վճռի համաձայն` Ղրիմի գերագույն խորհրդի` հանրաքվե անցկացնելու մասին որոշումը չի համապատասխանում երկրի սահմանադրությանը:
«Ղրիմի Ինքնավար Հանրապետության գերագույն խորհրդի լիազորությունների արտահերթ դադարեցումը կապահովի սահմանադրական իրավակարգի պահպանումը, կաջակցի Ղրիմի տարածքում քաղաքական իրավիճակի կայունացմանը»,- ասվում է գրառման մեջ:
