Քորթնի Քոքսը նշել է 55-րդ տարեդարձը: Այս կլոր տարեթիվը նա նշել է իր լավագույն ընկերուհիների, Ջենիֆեր Էնիսթոնի և Լիզա Քուդրոուի հետ: Նրանք միասին նկարահանվել են «Ընկերները» կուլտային սերիալում: Հեռուստաշոուում նրանք մարմնավորել են երեք ընկերուհիների՝ Մոնիկային, Ռեյչելին և Ֆիբիին:
Չնայած այն հանգամանքին, որ սիթքոմը վաղուց արդեն ավարտվել է, դերասանուհիները լավ ընկերներ են նաև էկրանից դուրս՝ իրական կյանքում:
Instagram-ում Քորթնի Քոքսը հրապարակել է աստղային տրիոյի լուսանկարը: «Այնքան երջանիկ եմ, որ իմ հոբելյանը նշում եմ այս երկուսի հետ: Սիրում եմ ձեզ, աղջիկներ: Անչափ:»,- նկարը մեկնաբանել է դերասանուհին և սրտիկի տեսքով էմոջի կցել:
Դերասանուհիները մտերմացել են «Ընկերները» սերիալի նկարահանումների ժամանակ, որը էկրաններին է եղել տաս տարի՝ 1994-2004 թվականները: Այս ընթացքում նրանք նկարահանվել են 236 դրվագներում:
https://www.instagram.com/p/BywZW8WDHTz/?utm_source=ig_embed