Մյունխենի «Բավարիա»-ի գլխավոր մարզիչ Խոսեպ Գվարդիոլան մեկնաբանել է ակումբի նախկին նախագահ Ուլի Հյոնեսի դատավճռի մասին նորությունը: Հիշեցնենք, որ վերջինս դատապարտվել էր 3 ու կես տարվա ազատզրկման՝ հարկերից խուսափելու համար:
«Ինձ համար, իսկապես, շատ դժվար է այդ ամենը ընդունելը: Ուլի Հյոնեսը շատ կարևոր է այս ակումբի համար: «Բավարիա»-ն համարավում է աշխարհի լավագույն թիմերից մեկը հենց Հյոնեսի շնորհիվ:
Նա այստեղ 14 տարի է անցակցրել, և բոլոր մարդիկ, որոնց հետ ես շփվել եմ, անընդհատ ընդգծել են, որ նա շատ կարևոր է ակումբի համար:
Ապագայում նա կվերադառնա և կօգնի իր թիմին: Նա եղել է, կա ու կլինի իմ ընկերը: Մեզ ուղղակի անհրաժեշտ է նույն ոգով շարունակել աշխատելը: Այնպես, ինչպես մենք սովորել ենք Հյոնեսից»,- Գվարդիոլայի խոսքերն է մեջբերում AS-ը:
