Գիտնականները պնդում են, որ ամուսնացած կանայք 28%-ով քիչ են մահանում սրտի հիվանդություններից, քան նրանց միայնակ հասակակիցները:
Թեև ամուսնությունն ինքնին ոչ մի երաշխիք չի տալիս, սակայն հիվանդությունը հնարավոր է բուժել վաղ փուլում, եթե կողքին կա հուսալի մարդ՝ գրում է «Գոլոս Ռոսիին»: Բացի այդ՝ ամուսնացած կանանց ամուր առողջությանը նպաստում է նրանց կենսակերպը:
Նման եզրակացության կարելի է հանգել բրիտանացի գիտնականների զեկույցից, որոնք ուսումնասիրել էին Օքսֆորդի համալսարանի հավաքած տվյալները:
Հետազոտությունը ներառում է 730 հազար կնոջ հարցում, որոնց միջին տարիքը 60 տարեկան է:
Հարցման անցկացումից 9 տարի անց 30 հազար կանանց մոտ ախտորոշվել են սրտի հետ կապված խնդիրներ, իսկ 2 հազար կին մահացել էր այդ խնդիրների հետևանքով:
Գիտնականները հայտարարել են, որ ամուսնացած և չամուսնացած կանայք ունեցել են սրտի հետ կապված միանման խնդիրներ, սակայն ամուսնացած կանայք ավելի քիչ են մահացել:
