Չինական Eastday պարբերականում վերջերս հոդված է հայտնվել, որի հեղինակը պնդում է, որ առողջ քունը իսկական գիտություն է և ունի բազմաթիվ կանոններ: Մասնավորապես, ենթադրություններից մեկն ասում է, որ հանգստի որակի ու տևականության վրա ազդում է լույսի ուղղության ընտրությունը, որին «նայում են» ոտքերը: Եվ չնայած ապացուցված չէ, որ վերջույթների ուղղվածությունը դեպի արևմուտք քունը դարձնում են ավելի վատ, այս տեսությունը արժե, որ ստուգեն գիտնականները՝ հաստատելու կամ հերքելու համար այն:
Տների մեծ մասը կառուցվում է հյուսիսային ուղղությամբ, ինչը հավելյալ պաշտպանություն է քամուց և սենյակներն ավելի լուսավոր է դարձնում, սակայն տան տերերը պետք է «ճիշտ» ընտրեն մահճակալի տեղակայման դիրքը, որպեսզի «չխախտեն ներդաշնակությունը»:
Հոդվածագրի խոսքերը հաստատում է հին չինական իմաստնությունը, որ չի կարելի քնել ոտքերը դեպի արևմուտք, իսկ գլուխը՝ արևելք: Այս պրակտիկան ոմանք բացատրում են մոլորակի մագնիսական դաշտի ազդեցությամբ, ինչը առաջացնում է հոգնածություն քնելու պահին արևելք-արևմուտք դիրքի դեպքում և, հակառակը, առույգություն և առողջություն հյուսիս-հարավ ուղղությամբ:
