Շրջակա միջավայրի նախարար Էրիկ Գրիգորյանն այսօրվա ասուլիսում անդրադառնալով պոչամբարների խնդրին՝ նշեց, որ անցած տարի առաջին անգամ լքված, խորհրդային միությունից մնացած պոչամբարների թափոնակույտերի գույքագրում են կատարել, դիմել են հինգ միլիոն եվրոանոց ծրագիր իրականացնելու համար և արդեն համաձայնություն ունեն՝ ֆիզիկական ռեկուլտիվացիա իրականացնելու:
«Գործող պոչամբարների առումով ևս կարգավորումներ կլինեն: Կապանի դեպքի հետ կապված տեսչական մարմինը վերցրել է փորձանմուշները, որպեսզի ուսումնասիրի բաղադրությունը»-ասաց նա:
Խեցգետնի ծավալների մասին խոսելիս, նա ասաց, որ այս տարի ծավալները անհամեմատ նվազ են, քան նախկինում, որը պայմանավորված է երեք հանգամանքով. «Առաջինը՝ տարիներ շարունակ տրվել է փոքր քանակով որսի թույլտվություն, երկրորդը՝ չինական խեցգետնորսիչները և երրորդ պատճառը ինչ-որ հիվանդությունն է»,-ասաց նա:
