«Ժողովուրդ» թերթը գրում է․ «Ինչպես հայտնի է, ԱԺ պաշտպանության, ազգային անվտանգության և ներքին գործերի մշտական հանձնաժողովը պետք է այսուհետ իրականացնի նաև Քննիչ հանձնաժողովի աշխատանք` ուսումնասիրելու 2016 թվականի ապրիլյան քառօրյա պատերազմի հետ կապված հարցեր: Այդպիսի հանձնաժողով ստեղծելը վարչապետ Նիկոլ Փաշինյանի որոշումն է եղել։
Եվ, ահա, հագեցած քառօրյան և դրանից առաջ հանձնաժողովի նիստերը հնարավորություն չեն տվել հանձնաժողովի անդամներին հավաքվել և առաջին նիստը գումարել։ Սակայն «Ժողովուրդ» օրաթերթը տեղեկացավ, որ հանձնաժողովի անդամները մտադիր են այս հարցով հավաքվել այսօր, քանի որ դեռևս չորեքշաբթի սկսված լիագումար նիստերը այսօր պետք է ավարտվեն, իսկ վաղվանից էլ սկսվում են 2018 թվականի պետական բյուջեի կատարողականի քննարկումները, և պատգամավորները նաև պետք է դրան մասնակցեն:
Ի դեպ, չի բացառվում, որ Քննիչ հանձնաժողովի այսօրվա նիստը և նաև մնացած բոլոր նիստերը դռնփակ անցկացվեն»:
Առավել մանրամասն՝ թերթի այսօրվա համարում:
