Մայիսի 30-ին Մոսկվայում է գտնվել ՀՀ ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանի գլխավորած պատվիրակությունը՝ մասնակցելու ՀՀ ԱԺ արտաքին հարաբերությունների մշտական հանձնաժողովի եւ ՌԴ ԴԺ Դաշնության խորհրդի միջազգային հարցերով կոմիտեի համատեղ նիստին: Պատվիրակության կազմում են եղել ԱԺ պատգամավորներ Անուշ Բեղլոյանը, Սոս Ավետիսյանը, Արման Աբովյանը և Արման Բաբաջանյանը: Հանդիպմանը մասնակցել է նաև ՌԴ-ում ՀՀ արտակարգ և լիազոր դեսպան Վարդան Տողանյանը:
Թեմայի շուրջ «Առաջին լրատվական»-ի հետ քննարկման ընթացքում մոսկովյան այցի վերաբերյալ իրենց դիտարկումները ներկայացրին «Իմ Քայլը» խմբակցության պատգամավոր Անուշ Բեղլոյանը և «Բարգավաճ Հայաստան» խմբակցության պատգամավոր Արման Աբովյանը՝ արձանագրելով, որ իրավիճակ է փոխվել:
Ա. Բեղլոյանի դիտարկմամբ՝ այսպիսի ձևաչափով հանդիպումը տիպային չէ ո՛չ ՌԴ-ի, ո՛չ ՀՀ-ի համար, առաջին փորձն էր, որը, պատգամավորի հավաստմամբ, կարելի է գնահատել հաջողված: «Օրակարգում ներառված էին մի շարք կարևորագույն և ցավոտ կետեր, որ առկա են հայ-ռուսական հարաբերություններում, ինչպես նաև հանդիպումը միտված էր դիրքորոշումների պարզեցմանը և հստակեցմանը, համատեղ միջխորհրդրանական հարթակներում համագործակցությանը: Նաև առանձին անդրադարձ է կատարվել ԵԱՏՄ և ՀԱՊԿ շրջանակներում համագործակցությանը»,- նշեց Ա. Բեղլոյանը:
«Ամենակարևորն այն է, որ ռուս գործընկերների հետ դուրս ենք եկել մի հետաքրքիր շփման մակարդակի, երբ որ երկխոսությունը ենթադրում է բոլոր հարցերի քննարկումը,- ընդգծեց Ա. Աբովյանը:- Ես հասկացա, որ իրավիճակ է փոխվել. հնչում են հարցեր…»:
Մանրամասն՝ տեսանյութում:
