Քեյթ Ուինսլեթը Հոլիվուդի Փառքի արահետում անվանական աստղ կստանա: Այս մասին գրում է Spletnik.ru-ն:
Դերասանուհու 25-ամյա կարիերան նրան պարգևել է մեկ «Օսկար», երկու «Ոսկե գլոբուս», BAFTA-ի երկու մրցանակ և մի քանի այլ հեղինակավոր արձանիկներ:
«Մենք այնքան ուրախ ենք, որ Քեյթ Ուինսլեթն իր վաստակած աստղը ստանալու համար մեր Արահետ կժամանի:
Մենք տեսնում էինք, թե ինչպես է Քեյթը փայլում էկրանին, իսկ ողջ աշխարհում նրա երկրպագուներն անհամբերությամբ սպասում են այդ նշանավոր պահին»,- ասել է Փառքի արահետի արարողության պրոդյուսեր Անա Մարտինեսը:
38-ամյա Քեյթն անվանական աստղի բացմանը կժամանի մարտի 17-ին:
