«Մշակույթի, արվեստի գործիչների 90 տոկոսը կոնֆորմիզմի մեջ է: Ես դա չեմ կարող ընդունել: Փոքր երկիր ենք, ամեն ինչ աչքի առաջ է, և այդ ամեն ինչը շատ դժվար է հաղթահարելը: Մեծ արվեստագետը կոմֆորմիզմից միշտ հեռու է, – «Առաջին լրատվական»-ի հետ զրույցում ասաց ռեժիսոր, մշակութաբան Բորիս Հայրապետյանը:
Նրա խոսքով՝ կոմֆորմիզմի արմատները շատ հայտնի են: «Դա լինում է այն դեպքում, երբ արվեստը արյան մեջ չէ, այլ մի քիչ հոգուդ մեջ է, մի քիչ գաղափարի, մի քիչ էլ տաղանդ կա ու սեր դեպի արվեստը: Դա բերում է շատ մեծ հոգնածության արվեստից: Ամեն անգամ այդ հոգնածությունը տեսնում եմ: Ջահելների մեջ կան մարդիկ, որոնց աչքերը վառվում են և ուզում են առաջ գնալ, նրանք հավատում են ավագ սերնդին, ավագ սերունդն էլ հոգնած է,- նշեց Բ. Հայրապետյանը:- Անդունդ է, ժամանակակից արվեստի ձևավորման ժամանակավոր ճգնաժամ է:
Բացի դրանից՝ նաև հանդիսատեսի ճաշակն է իջեցված: «Խալտուրա» էր բեմադրվում, բայց մեծ ծափահարություններ էին հնչում և գոչում «բրավո»: Շատերը մինչև հիմա չեն կռահում՝ օպերայում «խալտուրան» որն էր»:
Մանրամասն՝ տեսանյութում:
