ԱՄՆ նախագահ Դոնալդ Թրամփը Ռուսաստանի հետ սպառազինությունների կրճատման հարցով որոշում կընդունի հաջորդ տարի: Այս մասին հայտարարել է Սպիտակ տան ներկայացուցիչ Թիմ Մորիսոնը, հաղորդում է Reuters-ը:
Թրամփը բազմից քննադատել է համաձայնագիրը, որը սահմանափակում է միջուկային զենքի քանակը, որը կարող են ունենալ Ռուսաստանն ու ԱՄՆ-ը: Սակայն համաձայնագրի աջակիցներն ասում են, որ այն կարևոր է, քանի որ համաձայնագիրը ենթադրում է մոնիթորինգի ռեժիմի ստեղծում:
Համաձայնագիրը ստորագրվել էր Պրահայում 2010 թ.-ի ապրիլի 8-ին այդ ժամանակ Ռուսաստանի նախագահ Դմիտրի Մեդվեդևի և ԱՄՆ նախագահ Բարաք Օբամայի միջև, ուժի մեջ էր մտել 2011 թ.-ի փետրվարի 5-ին:
Համաձայնագիրը նախատեսված է 10 տարով, 5 տարի երկարաձգման հնարավորությամբ:
