Դստրերի կողմից սպանված Միխայիլ Խաչատուրյանի հարազատները Քննչական կոմիտե են դիմել՝ աղջիկների մոր նկատմամբ քրեական գործ հարուցելու, ինչպես նաև վկային՝ գործարարի զարմիկ Արսենին պետական պաշտպանություն հատկացնելու խնդրանքով։
Նշվում է, որ Խաչատուրյանի հարազատները խնդրել են նրա նախկին կնոջը զրկել ծնողական իրավունքներից, քանի որ վերջինը դեռևս 2015-ին հեռացել է տնից և չի մասնակցել աղջիկների դաստիարակությանը։ Բացի այդ, հարցաքննություններից մեկի ժամանակ նա հայտարարել է, որ հայրը կարող էր հանցանք գործել աղջիկների դեմ, սակայն նրանց վտանգի մեջ է թողել՝ առանց ոստիկանություն դիմելու։
Գործարարի հարազատների փաստաբանները խնդրել են ստուգել Աուրելիայի՝ Միխայիլի սպանությանը մասնակցությունը։ Պաշտպանների խոսքով՝ վկային՝ Արսենին սպառնում են, քանի որ վերջինը հետաքրքրված է Միխայիլի բարի անունը վերականգնելու հարցում։
