Թուրքիայի վարչապետ Ռեջեփ Թայիփ Էրդողանը հնարավոր է համարել ԱՄՆ-ից թուրք հասարակական գործիչ Ֆեթուլլահ Գյուլենի արտահահանձնումը, հաղորդում է Anadolu գործակալությունը:
Նրա խոսքերով՝ պետք է հասնել նրան, որ Գյուլենը, ով «սպառնում է Թուրքիայի ներքին գործերին՝ նպաստելով երկրում իրավիճակի ապակայունացմանը», արտաքսվի ԱՄՆ-ից:
Ավելի վաղ Թուրքիայի արդարադատության նախարար Բեքիր Բոզդաղը հայտարարել էր, որ Ֆեթուլլահ Գյուլենի նկատմամբ հնարավոր է՝ միջազգային հետախուզում հայտարարվի, ինչի համար անհրաժեշտ է դատարանի համապատասխան վճիռը:
Հիշեցնենք, որ փետրվարի 25-ին թուրքական ԶԼՄ-ները տեղեկատվություն տարածեցին, որ 2011թ. իրականացվող հակակոռուպցիոն գործողության շրջանակներում գաղտնալսվել են շուրջ 7000 մարդու հեռախոսազրույցներ, որոնք կապված են ինչպես իշխող, այնպես էլ ընդդիմադիր կուսակցությունների հետ: Գաղտնալսվել են նաև երկրի վարչապետի ընտանիքի անդամների հեռախոսազրույցները:
Թուրքիայի վարչապետ Ռեջեփ Թայիփ էրդողանը Գյուլենին մեղադրել է, որ նրա շարժման ներկայացուցիչներն են կանգնած գաղտնալսումների հետևում:
