Ջոնս Հոփքինսի համալսարանի գիտնականները հայտարարել են ՄԻԱՎ վիրուսով ծնված երեխայի լիակատար բուժման երկրորդ դեպքի մասին: Այս մասին հաղորդում է Associated Press-ը`վկայակոչելով մասնագիտական համաժողովի ժամանակ ներկայացված զեկույցը:
Լոս Անջելեսի հիվանդանոցներից մեկում 2013-ի ապրիլին ՄԻԱՎ-ով ծնված աղջնակին բժիշկները նրա կյանքի առաջին 4 ժամերի ընթացքում հակառետրովիրուսային թերապիա են կատարել: Նորածնի մայրը վարակված է եղել չարաբաստիկ վիրուսով, սակայն հղիության ընթացքում ոչ մի բուժում չի ստացել:
Բազմաթիվ թեստերը թույլ են տալիս ենթադրել, որ երեխան ձերբազատվել է ՄԻԱՎ-ից: Այդուհանդերձ, նա դեռևս շարունակում է ՄԻԱՎ վիրուսակիրների համար նախատեսված բուժում ստանալ:
