«168 Ժամ»-ը գրում է, որ Արթուր Սաֆարյանի սպանությունը կազմակերպելու մեջ մեղադրվող Իսրայել Սարգսյանի պաշտպանը մարտի 3-ին է ստացել վերաքննիչ քրեական դատարանի որոշումը և պատրաստվում է վողոքարկել այն վճռաբեկ դատարան:
Լրատվամիջոցը նշում է, որ Ի.Սարգսյանի պաշտպան Գայանե Գալոյանը դիմել էր վերաքննիչ դատարան՝ բողոքարկելով առաջին ատյանի դատարանի՝ Ի. Սարգսյանին կալանավորելու որոշումը: Սակայն նրա բողոքը մերժվել էր:
Թերթը միաժամանակ հիշեցնում է, որ Ի.Սարգսյանը մեղադրվում է ոչ միայն Ա.Սաֆարյանի սպանությունը կազմակերպելու, այլև՝ Մովսես Ներսիյանին սպանոլու մեջ: Ըստ փաստաբան Գ.Գալոյանի՝ Ի.Սարգսյանը չպետք է կալանավորված լինի, քանի որ որևէ ապացույց չկա, որ Մովսես Ներսիյանը մահացել է: Նա թղթակցին նաև ասել է, որ վերադասության կարգով կբողոքարկի նաև Ի.Սարգսյանին առաջադրված մեղադրանքների որոշումները:
Մանրամասները՝ թերթի այսօրվա համարում
