Երեկ երեկոյան Նյու Յորքում տեղի է ունեցել ՄԱԿ-ի Անվտանգության խորհրդի արտահերթ նիստ: Միջոցառման նախաձեռնողը եղել է Ռուսաստանը: Ռուսաստանի պատվիրակությանը չի հաջողվել ՄԱԿ-ին համոզել, որ Ղրիմում ռուսներին վտանգ է սպառնում: Hubs.com.ua-ի հաղորդմամբ՝ խոսնակների մեծ մասը ներկայացրել է 10 թեզիսով:
Ուկրաինայում փոքրամասնությունների իրավունքները չեն ոտնահարվում: Մարդկանց չեն սպանում: Մարդկանց իրավունքները պահպանվում են:
Ուկրաինայի կառավարությունն օրինական է: Այն ընտրվել է Գերագույն ռադայի սահմանադրական մեծամասնության կողմից: Նոր կառավարության օգտին քվեարկել են նաև Վիկտոր Յանուկովիչի կուսակցության պատգամավորները:
Վիկտոր Յանուկովիչն արդեն նախագահ չէ: Նա չի կատարել փետրվարի 21-ի համաձայնագիրը և փախել է երկրից: Մարդը, որը մասնակից է Ուկրաինայի ավելի քան 90 քաղաքացիների սպանությանը, իրավունք չունի իրեն անվանել օրինական նախագահ:
Ռուսաստանը պետք է անհապաղ դուրս բերի զորքերը Ղրիմից: Ռուս զինվորականների նման վարքն անթույլատրելի է 21-րդ դարում:
Ուկրաինայում իրավիճակը կուսումնասիրի ԵԱՀԿ առաքելությունը:
Ռուսաստանը պարտավոր է բանակցություններ սկսել:
Ռուսաստանի համար կարող է շատ լուրջ հետևանքներ ունենալ Ղրիմ զորք մտցնելը:
Ռուսաստանն իրավունք չունի միջամտելու Ուկրաինայի ներքին գործերին: Ուկրաինացի ժողովուրդն իրավունք ունի լուծել իր խնդիրները:
Անհրաժեշտ է կատարել Բուդապեշտի հուշագիրը և Ուկրաինայի հետ քաղաքական պայմանագիրը: Ռուսաստանը պարտավոր է հարգել Ուկրաինայի ինքնիշխանությունը և անկախությունը:
Ռուսաստանի վարքը սպառնում է Եվրոպայի անվտանգությանը:
