ՀՀ նախագահ Արմեն Սարգսյանն «Ազատությանը» տված իր հարցազրույցում անդրադարձ է կատարել ՀՀ զարգացման ուղենիշներին: Նա նշել է, որ Հայաստանը հնարավորություն ունի դառնալ մեծ փոփոխությունների հեղինակներից մեկը:
«Անհրաժեշտություն կա, որպեսզի արագ տեմպերով գիտակցենք՝ աշխարհն ուր է գնում, և լինենք գործընթացի պիոներներից մեկը: Դա հեշտ գործ չի, քանի որ հանգրվանից ենք սկսում, բայց հնարավորություն ունենք: Կան անհրաժեշտ բաղադրիչներ, մեկն այն է, որ մենք մասնակից լինենք, տեղյակ լինենք և աշխատենք ամեն օր ամենաժամանակակից տեխնոլոգիաների հետ, հետևաբար անհրաժեշտություն կա, որ ձեռնարկությունները Հայաստան գան, առանց մեծերի հնարավոր չէ նորը ստեղծել»:
Երկրորդ բաղադրիչը համարել է կրթությունը, իսկ երրորդը՝ նորարարության մշակույթն ու մթնոլորտը:
«Յուրաքանչյուր անհատ պետք է փորձի նոր ստեղծագործություն, ստեղծագործական ակտ կատարել, չվախենա հայտնաբերելուց, նոր գաղափար մեջտեղ բերելուց, և փորձելուց գուցե հաջողես, նորարարական մթնոլորտն էական է, ուզում եք անվանել ստարտ-ափ, ուզում եք անվանեք այլ բան, բայց ինքնին առանձին բավարար չեն, երեքը միասին անհրաժեշտ են, որպեսզի համընթաց գնանք»,- ասել է նախագահը:
