ՔՈ կուսակցության դիմում է հղել ՀՀ գլխավոր դատախազ Արթուր Դավթյանին՝ խնդրելով 1․ ՀՀ Սահմանադրության 176-րդ հոդվածով սահմանված կարգով ՀՀ ԱԺ պատգամավոր Գագիկ Ծառուկյանի նկատմամբ հարուցել քրեական հետապնդում՝ հիմք ընդունելով ՀՀ Սահմանադրության 98-րդ հոդվածի 2-րդ մասը՝ պատգամավորի լիազորությունների դադարեցումը ՀՀ Սահմանադրության 95-րդ հոդվածի պահանջները խախտելու դեպքերում: Պատգամավորը նշեց, որ այս դեպքում պետք է հետևել օրենքներին․«Մամուլից տեղեկացա, և որևէ կարծիք այս պահին չեմ կարող ինձ թույլ տալ արտահայտել»,-ասաց նա։
Անդրադառնալով հարցին՝ բիզնեսը և քաղաքականությունը արդյոք տարանջատվա՞ծ են այս խորհրդարանում, պատգամավորը նշեց․«Բիզնեսն ու քաղաքականությունը երբեք այսքան տարանջատված չեն եղել, և երբեք գործարարությամբ զբաղվող մարդիկ խորհրդարանում այսքան քիչ չեն եղել։ Սկզբնական քննարկումներում ես էլ ակնհայտորեն խնդիր տեսա, բայց այն, որ այս պահին այդ քաղաքական ուժի ներկայացուցիչները հայտարարում են, որ իրենք չեզոքություն են դրսևորում և այն որոշումը, որը կընդունվի, իրենք կընդունեն, այս դեպքում այդ խնդիրը որոշակիորեն լուծվում են»,-«Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Գևորգ Պապոյանը։
Դիտարկմանը, որ իշխանությունը հայտարարում էր՝ Գագիկ Ծառուկյանը սեփականատեր է, ոչ թե գործարար, պատգամավորը նշեց, որ օրենքը սահմանում է, որ յուրաքանչյուր քաղաքացի կարող է լինել սեփականատեր, գործարար և եթե իր գործունեությունը հանձնում է հավատարմագրային կառավարման, օրենքը չի արգելում նրան զբաղվել քաղաքականությամբ։