Լոնդոնում կայացած Miss USSR UK գեղեցկության մրցույթի գլխավոր մրցանակին է արժանացել Հայաստանի 18-ամյա ներկայացուցիչ Անգելինա Չաբանյանը։ Նրա օգտին մրցույթի պաշտոնական կայքում քվեարկել է հանդիսատեսի մեծ մասը։
Կայքում տեղադրված տվյալների համաձայն` գեղեցկուհու հասակը 174 սմ է։ Նա ծնվել է Բելառուսում, 15 տարեկանից սովորում է Անգլիայում։
Ինչպես նշում է, Անգելինան մանկուց զբաղվում է պարահանդեսային պարերով և գեղարվեստական դպրոց է հաճախել։ Նրա կտավները ցուցադրվել են Չինաստանում և Ֆրանսիայում։ Ավարտել է հայտնի Bromsgrove School մասնավոր դպրոցը։ Այժմ սովորում է Courtauld Institute of Art–ի (Կուրտոյի արվեստի ինստիտուտ) Արվեստի պատմություն ֆակուլտետում։ Աղջկա գլխավոր նպատակն է գիտական աստիճան ստանալը և արտ–դիլեր դառնալը։
«Երազանքս է օգնել օժտված մարդկանց, հատկապես` աղքատներին և թշվառներին, բացահայտել նրանց տաղանդը»,- խոստովանել է Անգելինան։
USSR UK գեղեցկության մրցույթի առաջին վիցե-միսսի տիտղոսը ստացել է ռուսաստանցի մոդել Քսենիա Օչերեդկոն։ Իսկ երկրորդ վիցե-միսսի տիտղոսը նվաճել է Ղազախստանը ներկայացնող Լաուրա Մուխտարը։
Miss USSR-ը միջազգային նախագիծ է։ Շոուին մասնակցում են ԽՍՀՄ նախկին երկրների ամենագեղեցիկ աղջիկները, որոնք ներկայացնում են իրենց պետությունների մշակույթը։
