Ֆրանսիացի ճանապարհորդ Ժան-Ժակ Սավենը, 72 տարեկան հասակում, Ատլանտյան օվկիանոսը հատել է տակառի մեջ, հաղորդում է AFP-ն՝ հղում անելով նրա էլեկտրոնային փոստին:
«122 օր և 9 ժամ լողալուց հետո ես հատեցի մերիդյանը՝ ինչը նշանակում է, որ ես գտնվում եմ Կարիբյան ծովի ջրերում: Ճանապարհորդությունն ավարտված է: Շնորհակալություն բոլորին»,- գրել է նա հաղորդագրությունում:
Ներկայումս Սավենը դեռ տակառում է և հոսանքի ուղղությամբ ընթանում է Ֆլորիդայի ուղղությամբ: Նա ակնկալում է նավահանգիստ գտնել, որտեղ կկարողանա ափ դուրս գալ:
Սավենն իր արշավը սկսել է անցած տարվա վերջին՝ Կանարյան կղզիներից մեկից: Ֆրանսիացին ճանապարհորդում է 450 կիլոգրամանոց նրբատախտակից պատրաստված տակառով:
Ապագայում, ճանապարհորդի խոսքերով, նա պատրաստվում է ինքնուրույն հատել Լա Մանշի նեղուցը՝ Ֆրանսիայի և Մեծ Բրիտանիայի միջև: