eBay ընկերությունը պատրաստվում է մոտ ապագայում ծառայություն թողարկել, որը հնարավորություն կտա դուր եկած հագուստը փորձել սեփական մարմնի եռաչափ մոդելի վրա:
Համացանցում հագուստ գնելը շատ հարմար է: Հարկավոր չէ ոչ մի տեղ գնալ, սպասել դրամարկղի կամ հանդերձասրահի մոտ: Ամեն ինչ անթերի կլիներ, եթե չլինեին կասկածները, թե արդյոք ընտրված հագուստը հարմար կլինի՞ քեզ, թե՞ ոչ:
Համացանցային գնումների սիրահարների կյանքը թեթևանցնելու համար eBay-ը գնել է PhiSix ընկերությունը, որը մարդու եռաչափ մոդելի վրա հնարավորություն է տալիս փորձել դուր եկած հագուստը:
Դա թույլ է տալիս հագուստը կողքից տեսնել: Հարկավոր է միայն ներմուծել սեփական մարմնի պարամետրերը:
Ընկերությունը ծրագրում է առցանց «հանդերձասրահը» վաճառել նաև հագուստ վաճառող այլ կայքերի, գրում է style.rbc-ն:
