Ամերիկացի մարդաբանները վերլուծել են մոտ երկու հազար տարի առաջ մահացած մարդու կմախքը և պարզել, որ նա սպանվել է դահիճի կողմից, որը մեծ ուժով նիզակը խոցել է նրա կրծքավանդակի մեջ: Այս մասին հայտնում է Live Science-ը:
Հնէաբանները մնացորդները հայտնաբերել են 2002թ․ Էգեյան ծովի հյուսիսային մասում գտնվող կղզում՝ Թասոսում հնագույն գերեզմանոցի պեղումների ժամանակ: Հետազոտողները հայտնաբերել են 57 մարդու ոսկորներ, այդ թվում, տղամարդու, որի կրծքավանդակին անթերի կլոր փոս կա:
Անատոմիական վերլուծությունը ցույց է տվել, որ նա բարձրահասակ և մկանոտ մարդ է եղել, որը մահացել է 50 տարեկանում: Գիտնականների կարծիքով՝ նա զբաղվել է սպորտով։
Ուսումնասիրության արդյունքները ցույց են տվել, որ նիզակը հեռվից չէ նետված եղել։ Վնասվածքի բնույթը ցույց է տալիս նաև, որ մարդը անշարժ է մնացել հարվածի ժամանակ, այսինքն, ամենայն հավանականությամբ, նա կապված է եղել։ Հարվածի ուժը գերազանցել է 2200 նյուտոնը, իսկ սրտի կանգից մահը վրա է գհասել մեկ րոպեի ընթացքում։ Ատամների վատ վիճակը վկայում է այն մասին, որ տղամարդը երկար ժամանակ կալանավորված է եղել։
