«Ճիշտ կլինի, որ Միհրան Պողոսյանը քաղաքական ապաստան խնդրի Պանամայում, որովհետև կարծում եմ՝ Պանաման ավելի շուտ կտրամադրի այդ ապաստանը, քան Ռուսաստանի Դաշնությունը»,- «Առաջին լրատվական»-ի հետ զրույցում ծիծաղելով ասաց ԱԺ փոխնախագահ Ալեն Սիմոնյանը:
Մեր զրուցակիցը վստահ է, որ Ռուսաստանը կարտահանձնի Միհրան Պողոսյանին. «Որովհետև Հայաստանի Հանրապետությունում քաղաքական որևէ հետապնդում որևէ անձի նկատմամբ չկա, էլ չեմ ասում՝ Միհրան Պողոսյանի նկատմամբ. ինձ համար ծիծաղելի է»:
ԱԺ փոխնախագահը չի կարծում, որ Միհրան Պողոսյանի և կալանավորման ենթակա այլ անձանց՝ Հայաստանից փախչելը հետևանքն է իրավապահ համակարգի ուշացած գործողությունների. «Փախուստի 1-2 դեպքերը չի կարելի վերագրել համակարգային բացին: Այդ մարդիկ, իմանալով, թե իրենց ինչ է սպասվում… իրենք մեզանից լավ գիտեն, չէ՞, թե ինչ են արել Հայաստանի Հանրապետությունում: Կարծում եմ՝ հեղափոխությունից հետո շատ մարդիկ ոչ միայն անձամբ են լքել Հայաստանը, այլև չի բացառվում, որ իրենց ունեցվածքն են իրենց հետ տարել՝ հասկանալով, որ իրենց համար պետության կողմից այլևս աջակցություն և հովանավորչություն չի լինելու»:
Առավել մանրամասն՝ տեսանյութում: