«Հայոց ցեղասպանության ճանաչման գործում ոչ մի բավարար բան չկա՝ ոչ միայն այս իշխանությունների, այլև բոլոր իշխանությունների կողմից. ոչ մի բան չի կարող հավասարվել այն հսկայական կորուստներին, որ մենք ունեցել ենք»,- Ծիծեռնակաբերդում «Առաջին լրատվական»-ի հետ զրույցում ասաց ՀՌԱԿ ատենապետ Հակոբ Ավետիքյանը:
Նրա խոսքով՝ մենք պահանջում ենք հատուցում, պահանջում ենք այն հայրենի տարածքները, որոնք մերն են եղել. «Սակայն մենք Թուրքիայից ոչ թե պետք է պահանջենք ճանաչել. Թուրքիան ինքը ճանաչել է՝ 1919 թվականի ապրիլի 28-ին թուրքական դատարանը դատապարտել է 41 մեղադրյալների, որոնցից 6-7-ին մահվան է դատապարտել: Մենք պետք է ոչ թե ճանաչում պահանջենք, այլ վերահաստատել այն, ինչ օսմանյան դատարանն է արել: Սա մենք մոռանում ենք»:
Առավել մանրամասն՝ տեսանյութում:
