Ֆլորիդա նահանգի ոստիկանությունը ձերբակալել է 14-ամյա երկու աղջիկների, որոնց կասկածում են 9 մարդու սպանելու մտադրության մեջ: Այս մասին շաբաթ օրը, ապրիլի 20-ին, հաղորդում է Daily Beast-ը:
Նշվում է, որ ուսուցիչը ոստիկաններին պատմել է աշակերտուհիների ծրագրերի մասին: Նա կալանավորված աղջիկների իրերի մեջ թղթապանակներ է գտել գրառումներով, որոնցից հետևում է, որ նանք ցանկացել են սպանել ինը հոգու, տեղափոխել դիերը, ինչ-որ տեղ, այրել և թաղել մնացորդները:
Ոստիկանությունը ձերբակալել է աղջիկներին ապրիլի 17-ին՝ դպրոցում: Այժմ նրանք նախնական կալանքի կենտրոնում են:
Երկուշաբթի՝ ապրիլի 22-ին, նրանք կհայտնվեն դատարանում, որտեղ, ինչպես և սպասվում է, նրանց 9 մեղադրանք կառաջադրվի դավադրության ու կանխամտածված սպանության, և երեքը՝ առևանգում կազմակերպելու համար: