Հայտնի է 30-ամյա Քլարք Գեյբլ III-ի՝ «Քամուց քշվածները» ֆիլմի աստղի թոռան հանկարծամահ լինելու մանրամասները։
Ըստ The Daily Mail թերթի, պարզվել է, որ մահը վրա է հասել թմրանյութի գերդոզավորումից։
Նրա օրգանիզմում հայտնաբերվել է ֆենտանիլի, օքսիկոդոնի և ալպրազոլամի քիմիական միացությունների հետքեր, որոնք օգտագործվում են և՛ որպես ցավազրկողներ, և՛ հոգեկան խանգարումների բուժման համար:
Քլարք Գեյբլ III- ի մարմինը հայտնաբերվել է փետրվարի 22-ին՝ Դալասում: Նա մոդել, դերասան և հեռուստահաղորդավար էր: Երկար ժամանակ վարել է «Scammers» ռեալիթի շոուն, որը դիմակազերծում էր անհավատարիմ կանանց և ամուսիններին:
Հայտնում են, որ հանգուցյալի հայրը՝ Ջոն Քլարք Գեյբլը, որդու մահվան մասին իմանալով՝ հրաժարվել է վճարել թաղման ծախսերը և թույլ չի տվել որդուն թաղել Լոս Անջելեսում գտնվող Forrest Lawn գերեզմանատանը, որտեղ թաղված է Քլարք Գեյբլ ավագը:
Իսկ 32-ամյա Քեյլի Գեյբլը՝ Ջոն Քլարքի դուստրը, պաշտպանեց եղբորը՝ ասելով, որ հայրը իր և Քլարկի առջև թմրանյութ էր օգտագործում, երբ իրենք դեռ երեխա էին:
