Մեքսիկայում 66 տարեկանում կյանքից հեռացել է ֆլամենկոյի լեգենդար կիթառահար Պակո դե Լուսիան, հայտնում է ITAR-TASS-ը:
Նախնական տեղեկությունների համաձայն՝ մահվան պատճառը սրտի նոպան է:
Դե Լուսիան միանգամից իրեն վատ է զգացել ընտանիքի հետ Կանկունում՝ լողափին զբոսնելիս: Նա մահացել է հիվանդանոցի ճանապարհին:
Մոտ օրերս երաժշտի մարմինը կտեղափոխվի Իսպանիա, որտեղ ծնվել ու ապրել է Պակո դե Լուսիան:
Ավելի վաղ երաժիշտը կաթված էր տարել:
Պակո դե Լուսիան աշխարհում ամենահայտնի իսպանացի կիթառահարներից է ֆլամենկո ոճում: Նրա իսկական անունն է Ֆրանսիսկո Սանչես Գոմես: Իր երաժշտական կեղծանունը նա ընտրել է մոր՝ Լուսիա Գոմեսի պատվին:
Իր առաջին ալբոմը նա ձայնագրել է 19 տարեկանում, իսկ նոտագրություն նա սկսեց սովորել միայն 44 տարեկանում:
Կիթառահարը նվագում էր ինչպես դասական, այնպես էլ ժամանակակից ֆլամենկո:
Քննադատներն ընդգծում էին Լուսիայի նվագելու յուրահատուկ ոճը. նա միավորում էր ժամանակակից երաժշտությունը ֆլամենկոյի ու բրազիլական ռիթմերի հետ:
