ԱԺ ԲՀԿ խմբակցության պատգամավոր Սերգեյ Բագրատյանը տնտեսական հեղափոխության համար կարևորում է ներդրումների ներգրավումը։ Այսօր էլ, նրա խոսքով, կան բազմաթիվ խոչընդոտներ ներդրողների համար, և կառավարության առաջնահերթությունն է ներդրումների համար բարենպաստ պայմաններ ստեղծելը։
«Որքան պարզեցված հարկային և մաքսային օրենսգրքեր ունենանք, այնքան կաջակցենք ներդրումներին»,-«Առաջին լրատվական»-ի հետ զրույցում նշեց պատգամավորը՝ հավելելով՝ քանի դեռ հարկային և մաքսային օրենսգիրքը չի փոխվել, մեր երկրում վաղ է խոսել ներդրումների մասին։ Նրա խոսքով՝ ցանկացած հեղափոխությունից հետո ներդրողները սպասման մեջ են լինում, թե ինչ նոր խաղի կանոններ կլինեն, թե նոր քաղաքական իրավիճակը ինչպիսի տնտեսական օրենքներ կթելադրի։
Նա նաև նշեց, որ ներդրողը չի ցանկանում գումար ներդրի և այդ գումարները 20-30 տարի հետո հետ ստանա, նաև ներքաղաքական կյանքում պետք է որոշակի կայունություն լինի։
