Ֆրանսիան ուսումնասիրում է իր ռազմական համակարգերում արհեստական ինտելեկտի ավելի ակտիվ օգտագործման հարցը, ասել է երկրի զինված ուժերի նախարար Ֆլորանս Պարլին: Այդ մասին հաղորդում է Ouest France-ը`հղում անելով AFP-ին:
«Ես նախատեսում եմ արհեստական ինտելեկտը առաջնային դարձնել ազգային պաշտպանության մեջ», – ասաց նա:
Սակայն Պարլին հիշեցրել է, որ Ֆրանսիան մտադիր չէ հրաժարվել իր արժեքներից եւ միջազգային պարտավորություններից:
Մասնավորապես, խոսելով ԱԹՍ-երի մասին, նախարարն ասել է, որ «Ֆրանսիան կյանքի կամ մահվան մասին որոշումը մեքենային չի հանձնի», որը լիովին ինքնավար է գործում:
Պառլին ընդգծել է, որ երկիրը պատասխանատու է արհեստական ինտելեկտի՝ բանակում օգտագործման հացում և «մարդասպան ռոբոտներ» չի ստեղծի:
«Անկախ այն բանից, թե որքան ավտոմատացված եւ ինքնուրույն կլինեն մեր ընթացիկ եւ ապագա սպառազինությունը, դրանք կմնան մարդու անմիջական հսկողության տակ», – ասել է Պարլին: