Ռազմարդյունաբերության կոմիտեի նախագահ Ավետիք Քերոբյանը՝ «Առաջին լրատվական»-ի հետ զրույցում անդրադառնալով հարցին, թե ինչպիսին է այսօր հայկական ԶՈւ պատրաստության աստիճանը՝ 2016թ. համեմատ, նշեց. 2016թ հետո հետևությունները շատ են և բազմապիսի, առաջին հերթին խնդիր կար Զինված ուժերը տեխնոլոգիապես հարստացած տեխնիկայով ապահովելու, քանի որ 2016թ. սրացումը ցույց տվեց, որ որոշ ուղղություններով կաղում ենք: Անցած երեք տարիներին աշխատանքներ են իրականացվել՝ ուղղված հնարավորինս այդ բացը լրացնելուն, բանակը նորագույն տեխնոլոգիաներով հագեցած զենքերով զինելուն:
Պարզաբանելով, թե ինչ է նշանակում սպառազինությունը՝ գիտական հենքով, մեր զրուցակիցը նշեց, որ պատերազմը ռազմական արվեստ է, որը պահանջում է գիտական մտքի ներգրավում, իսկ տեխնիկան պետք է դրան համապատասխան լինի. «Այսինքն՝ չի կարելի պատերազմը վարելու ձևերն առանձնացնել պատերազմը վարելու միջոցներից, եթե գիտությամբ ես վարում պատերազմը, գիտությամբ էլ պետք է մշակես սպառազինությունդ և տեխնիկադ»:
«Անձնական սպառազինությունը դեռևս անհրաժեշտություն է, բայց այժմ զինվորն ավելի արագ է տիրապետում հետախուզական տվյալներին և ավելի արագ է տեղեկությունը փոխանցում իր վերադասին, բանակն ավելի արագ կապով, հետախուզական և հարվածային ավելի հասու միջոցներով է օժտված:
Առաջնագիծը կտրուկ հարստացրել ենք տեխնիկական միջոցներով, ակտիվ հակադարձելու ենք հակառակորդի ցանկացած գործողության»,- ընգծեց Ա. Քերոբյանը:
Մանրամասն՝ տեսանյութում:
