«Մամուլի հետ սուրճ» հաղորդման ապրիլի 4-ի հյուրը «Հետք»-ի լրագրող Գագիկ Աղբալյանն է։
Մեր զրուցակիցը շաբաթվա մի մասն անցկացնում է Տավուշում, զրուցում գյուղացիների հետ, ծանոթանում նրանց խնդիրներին և ուշագրավ պատմություններ ներկայացնում ընթերցողին.«Իմ ծննդավայրը՝ Տավուշը իմ աչքին վերարժևորվեց։ Առայժմ մեծ պատմություններ չեմ ներկայացրել ընթերցողի դատին, բայց բոլորովին ուրիշ Տավուշ տեսա։ Սահմանամերձ այդ մարզը, որը ես համարում եմ Հայաստանի մարգարիտը՝ հսկայական փոփոխությունների է ենթարկվել»։
Գագիկ Աղբալյանն ընդգծեց՝ առաջիկայում մարզերից շատ հետաքրքիր պատմություններ է ներկայացնելու։ Հարցին, թե սահմանամերձ գյուղերի բնակիչներն ինչ կարծիք ունեն հայաստանյան քաղաքական անցուդարձի մասին, Գագիկ Աղբալյանը նշեց.«Շատ են հարցնում,ասում են՝ դու այնտեղից ես եկել, կիմանաս ինչ կա։ Բայց իմ տպավորությամբ հեռվից ավելի ճիշտ է գնահատվում իրավիճակը։ Երկրի աղքատության պատկերը մարզերում ավելի հստակ է արտահայտված, քան մայրաքաղաքում ենք տեսնում»։
