Ավստրալիայի Քվինսլենդ նահանգի բնակչուհի Ջենի Բոնելի ընտանիքում 16 երեխա է մեծանում՝ 9 տղա և 7 աղջիկ: Նրանցից ամենամեծը 28 տարեկան է, իսկ ամենակրտսերը՝ 4 տարեկան:
Նման մեծ ընտանիքում կարգ ու կանոն պահպանելու համար բազմազավակ մայրը խորհուրդ է տալիս նախապես բաշխել պարտականությունները՝ դրանք ընտանիքի բոլոր անդամների հետ քննարկելով:
Ջենին մի ամբողջ համակարգ է ստեղծել ընտանիքի անդամների միջև տնային պարտականությունները ճիշտ բաշխելու համար:
Նրա խոսքերով, տնային գործերում ներգրավված են 8 տարեկանից բարձր բոլոր երեխաները:
Հետաքրքիր է, որ այս համակարգը տխրեցնում է փոքրիկ երեխաներին, որոնք նույնպես ցանկանում են մասնակցել ընտանեկան կենցաղի կազմակերպմանը:
Տանը նաև անխախտ կանոններ են գործում. նախաճաշից առաջ հավաքել անկողինը, չաղտոտել, շաբաթը երկու անգամ փոշեծծիչով մաքրել սենյակները:
Ջենին նշում է, որ դա իրեն օգնում է ավելի շատ ուշադրություն դարձնել երեխաների դաստիարակությանը, այլ ոչ թե տնային հոգսերին և ավելի շատ ժամանակ անցկացնել տան անդամների հետ:
