«Տղաս պայքարել է, նույնիսկ ընկերների կյանքը փրկել. ընկերներից մեկին հենակետի վրայից հրել է՝ ասելով, թե՝ մինուճար ես, կյանքդ փրկի: Նա բոլոր փամփուշտները կրակել է թշնամու վրա, անգամ մի հատ իր համար չի պահել»,- լրագրողներին պատմեց 2015թ. դեկտեմբերի 18-ին Ջաբրայիլի հերթական դիվերսիայի ժամանակ զոհված շարքային հետախույզ Ռուբեն Ալեքսանյանի մայրը՝ հավելելով, որ որդիներից մեկն էլ մահացել է արտագնա աշխատանքի ժամանակ:
Զոհվածի մոր խոսքով՝ պետական այրերի կողմից իր խնդրանքը՝ օգնել ձեռք բերած տան գումարը ինչ-որ կերպ վճարել, անտեսվել է: «Եթե ես մնամ փողոցում, Հայաստանում չեմ ապրի»,- ասաց նա և ավելացրեց, որ որդու մեդալները հանձնելու է վարչապետին կամ պաշտպանության նախարարին. «Էլ իմ ինչի՞ն են պետք սրանք»:
Նա ընդգծեց, որ 15 տարի աշխատել է ՌԴ-ում, սակայն ուրիշների նման իր տղաներին չի փախցրել Հայաստանից. «Իմ 4 տղաներին Հայաստանից չեմ տարել զուտ հայեցի դաստիարակվելու համար: Սակայն իմ երեխաները հայրենիքում հայրենիք չեն ունեցել»:
Առավել մանրամասն՝ տեսանյութում:
