Արցախի խորհրդարանի «Դաշնակցություն» խմբակցության պատգամավոր Դավիթ Իշխանյանը, «Առաջին լրատվական»-ի հետ զրույցում անդրադառնալով Ապրիլյան քառօրյա պատերազմին, նշեց՝ սպասելի էր, որ մի օր Ադրբեջանը պետք է փորձի ռազմական գործողությունների վերսկսման գնալ և խախտել 1994 թվականին կնքած պայմանագիրը. «Հատկապես 2014-2016 թվականներն ընկած հատվածում ակտիվացել էին դիվերսիոն ներթափանցման փորձերը Ադրբեջանի կողմից և, կարծես թե, որդեգրված մարտավարությունը տանում էր այնպիսի լայնամասշտաբ գործողությունների, ինչպիսին որ ապրիլն էր»։
Դավիթ Իշխանյանի դիտարկմամբ՝ ինչպիսին որ 2016-ին նախորդած ժամանակաշրջանում, այնպես էլ անցած տարիներին ու հիմա պետք է իմանանք, որ պատերազմի վտանգը կախված է մեր գլխին. «Եթե ուզում ենք խաղաղություն, պետք է պատրաստ լինենք պատերազմի։ Մենք պետք է պատրաստ լինենք ոչ միայն ռազմական գործողությունների դիմակայման, այլև դրա շարունակությունն ապահովելուն»։
Պատգամավորի խոսքերով՝ մենք նաև լուրջ բացթողումներ ու խոցելի տեղեր ունեինք 2016 թվականին նախորդած ժամանակաշրջանում. «Եվ Ադրբեջանը, հավանաբար, լավ ուսումնասիրելով՝ համոզված էր, որ այդ բացերն ու խոցելի տեղերը կարող էին իր հաջողության ուղեկիցը լինել»,- եզրափակեց նա։
Հարցազրույցն ամբողջությամբ՝ տեսանյութում։