Facebook-ի հիմնադիր Մարկ Ցուկերբերգի մի քանի գրառումներ հեռացվել են սոցցանցի նրա էջից: Այս մասին հաղորդում է The Associated Press-ը:
Ընկերության տվյալներով՝ դրանք հեռացվել են մի քանի տարի առաջ տեխնիկական սխալի պատճառով: Այժմ պարզ չէ, թե կոնկրետ ինչ հրապարակումներ են կորել: Կատարվել է մեծ աշխատանք հեռացված տվյալները վերականգնելու համար, սակայն դա չի տվել դրական արդյունքներ:
Ինչպես նշվում է, առաջին անգամ անհետացած գրառումների վրա, որոնք կատարվել են 2007-2008 թվականներին, ուշադրություն է դարձրել The Business Insider ամերիկյան պարբերականը: